08:00 - 16:00
Малме е третиот најголем град во Шведска и „споредниот актер“ во раскошот на северот од Европа. Ако патувате кон Копенхаген, не пропуштајте прошетка низ соседниот град.
Малме е модерен град со преку 600 илјади жители, кој се простира на површина од над 2.000 километри квадратни. Од неодамна, Малме е прогласен за глобален град, кој претставува регионален економски и образовен центар, со поголем број универзитети и студентски градови.
Помеѓу другите атракции, вреди да се посетат: плоштадите Сторторгет и Лила, црквата „Свети Петар“, Дворецот Малмехус, операта, Градската куќа, но секако треба да се види и знаменитоста по која е препознатлив овој северноевропски град - модерниот облакодер Трнинг Торзо.
Облакодерот Трнинг Торзо, со извртување од 90 степени, е највисоката зграда во Шведска (190 метри). Се наоѓа на шведската страна од протокот Ересунд. Од врвот има прекрасен поглед на целиот град Малме, како и делумен поглед на Копенхаген.